Милли кейем – милләт ҡото” 

Тыуған яҡты өйрәнеү китапханаһында милли кейем көнөнә арналған “Милли кейем – милләт ҡото” исемле мәҙәни сара үтте. Байрамға Юлдаш ауылынан ҡунаҡтар саҡырылды. Сара милли кейемдәрҙә илһам, күңел күтәренкелеге менән гөрләп үтте. Юлдаш ауылынан килгән ҡунаҡтарыбыҙҙың был сарала бергәләп ҡатнашыуы бик күңелле һәм фәһемле булды. Иң әүҙемдәр үҙҙәренең һәләтен күрһәтеп, йырлап-бейеп, мөнәжәттәр, шиғырҙар әйтеп алды. Байрамда ҡатнашыусылар милли кейемдә иҫтәлеккә фотоға ла төштө. Кисәнең һуңында милли ризыҡтар: ҡош теле, ҡоймаҡ һәм төрлө тәмлекәстәр менән сәйҙәр эсеп ҡунаҡтарҙы оҙаттыҡ. Был сара милләтебеҙҙең рухи байлығын тағы арттырыр, күңелдәребеҙҙе күтәрер, халҡыбыҙҙың яҡты киләсәгенә өмөт уятыр, тигән теләктә ҡалабыҙ. Байрамда ҡатнашыусыларҙың барыһына ла ҙур рәхмәт!

«Наш национальный костюм – символ нашей жизни»

В Краеведческой библиотеке состоялась творческая встреча «Наш национальный костюм – символ нашей жизни», посвящённая ко Дню национального костюма.

На праздник пригласили гостей из деревни Верхнеюлдашево.