«Туған телем — башҡорт теле» бәйгеһендә еңеүселәрҙе бүләкләү тантанаһы

“Мираҫ” Тыуған яҡты өйрәнеү китапханаһында «Туған телем — башҡорт теле» бәйгеһендә еңеүселәрҙе бүләкләү тантанаһы үтте.
Конкурсты ойоштороусы Салауат ҡалаһының “Ата-әсәләр комитеты” ойошмаһы. Етәксеһе — Фәнүр Байрамғолов, кисәне алып барыусы – Әлфиә Әбүбәкерова.
Был тантанала “Ағинәйҙәр” ойошмаһы һәм “Тулҡын” ижади-әҙәби берекмәһе ағзалары ла ҡатнашты: Иҙел Хәлимов башҡорт халыҡ оҙон көйө “Урал” менән сараны асып ебәрҙе. Ә “Ағинәйҙәр” дәртле “Гөлдәр иле” йырын йырлап ишеттерҙеләр, Гөлназ Ҡорманова лирик бейеү менән сығыш яһаны.
Сара аҙағында Иҙел Хәлимов ҡурайҙа, ә Ислам Мәүлекасов өҙҙөрөп баянда уйнап, килгән ҡунаҡтарҙы бейеттеләр. Ҡыҫҡаһы, сара бик юғары кимәлдә үтте.